كانوا اسبوعين حلوين
عشت فيهم احساس
كان نفسى احسه من سنين
احساس ام بضم طفلها فى حضنها
ويكون هوا سامع وحاسس نبضها
كان نفسى اشوفك يا ابنى جوة حضنى وعنيك فرحانين
كان نفسى تلمس ايدى ......ايديك الصغيرين
كان نفسى اشوفك قدام عنيا
تجرى.... تلعب وتنادى عليا
ماما.... بحبك
ماما..... بحبك
لكن يا حبيبى يا ابنى
لاقيت انك مش هتبقى جنبى
وتواسينى وقت حزنى
حلمت بيك ....
وبفرحة ابوك وهوا بيضمك وكان سعيد
عارف يا ابنى.....
اصلا ابوك انسان جميل
قلبه طيب وكمان حنين
بس عارف.....
انا بحكم ربى راضية
وحامدة ليك ياربى وشاكرة
لانى عارفة
انه خير......... مهما يقولوا غير كده
وان ربى دايما ليه حكمة اكيدة
فى كل شىء
وليك فوضت امرى
وعليك رميت حمولى
ما انا ما ليش غيرك يارب
انا ما ليش غيرك يارب
الإثنين أغسطس 02, 2010 4:19 pm من طرف saso
الموقع